2018 нче елның 12 нче гыйнварыннан Татарстан Республикасы Милли китапханәсенең Зур уку залында (Кремль урамы, 33 нче йорт), мәшһүр татар мәгърифәтчесе, фәлсәфәче, тарихчы, рухани, педагог, этнограф Шиһабетдин Мәрҗанинең (1818–1889) тууына 200 ел тулуга багышлап, «Татар дөньясының мәрҗәне» дип аталган китап күргәзмәсе эшли башлады.
Татарстан Республикасы Милли китапханәсенең кулъязмалар һәм сирәк китаплар бүлеге хезмәткәрләре, танылган рус язучысы, драматург, әдәби тәнкыйтьче, публицист Алексей Максимович Горькийның тууына 150 ел тулуга багышлап, «Киң күңелле бөек язучы» дигән күргәзмә куйдылар.