Республика көне белән котлау

29.08.2017

Хөрмәтле хезмәттәшләр, китапханә хезмәтеннән файдаланучылар, Татарстан Республикасында яшәүчеләр!

Сезне зур бәйрәм – Татарстан Республикасы көне белән ихластан котлыйбыз!

Татарстан Республикасы көне – күпмилләтле Татарстанны берләштерә торган бәйрәм. Бездә төрле милләттән булган һәм төрле дин тотучы кешеләр дус, тату яши.

Бүген Татарстан – куәтле, эзлекле үсеш алган төбәк. Үзенең уңыш-казанышлары белән республика төрле буын ватандашларыбызга бурычлы. Татарстан киләчәккә омтылып яши, елдан-ел бөтен дөньяга таныла бара. Биредә төп кыйммәтләрнең – мәдәниятнең, рухи хәзинәләрнең, милли үзенчәлекләрнең, өлкән буыннарга хөрмәтнең – кадерләп саклануы аеруча мөһим. Чөнки болар – киләчәк көнебезнең ныклы нигезе.

Чын күңелдән Сезгә сәламәтлек, гаилә иминлеге, республикабыз үсешенә өлеш кертерлек яңа казанышлар телибез!

Татарстан Республикасы Милли китапханәсе җитәкчелеге.

Чыганак: http://www.e-news.su/uploads/posts/2017-08/1502584907_e-news.su_d0a2d0b0d182d0b0d180d181d182d0b0d0bd-768x490.jpg

 

 






Copyright © 2003-2017
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования