ЯҢАЛЫКЛАР


21
май 2019 ел.
сишәмбе

2019 елның 8 маенда Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәренең Киров районында урнашкан, татарча белем бирүче 15 номерлы гимназиянең 8 сыйныф укучылары белән очрашуда булып кайтты.


16
май 2019 ел.
пәнҗешәмбе

Татарстан Республикасы Милли китапханәсенең фәнни-методик бүлеге хезмәткәрләре Татарстан Республикасы Хөкүмәте грантларына һәм Татарстан Республикасы Мәдәният министрлыгының «Лидер» («Әйдәп баручы») һәм «Иҗади эзләнү» бәйгеләренә документлар әзерләү мәсьәләләре буенча семинарлар оештыруга кереште.


13
май 2019 ел.
дүшәмбе

2019 елның май аенда Татарстан Республикасы Милли китапханәсенең чит телләрдәге әдәбият бүлеге (Казан, К. Маркс ур., 36 йорт) чит телләрне өйрәнүдә ярдәм итүгә багышланган «Балалар өчен иң матур китап» дигән күргәзмә тәкъдим итә.


6
май 2019 ел.
дүшәмбе

Татарстан Республикасы Милли китапханәсенең Күргәзмәләр һәм мәдәни программалар бүлеге Бөек Җиңү көненә багышланган «Каһарманлыкка кер кунмый»  дип  аталган күргәзмә тәкъдим итә.


30
апрель 2019 ел.
сишәмбе

2019 елның 26 апрелендә Татарстан Республикасы Милли китапханәсенең вакытлы матбугат бүлеге хезмәткәрләре Казан шәһәре Идел буе районының 18 нче номерлы гимназиясендә белем алучы беренче сыйныф укучылары белән очрашты.


29
апрель 2019 ел.
дүшәмбе

Китапханә хезмәтләреннән файдаланучылар игътибарына!

 

30 апрель көнне китапханә иртәнге 9дан кичке 7гә кадәр эшли.

2019 елның 24 апрелендә Татарстан Республикасы Милли китапханәсенең Зур уку залында Татарстанның халык артисты, Буа татар дәүләт сатира һәм юмор театрының сәнгать җитәкчесе Раил Садриев белән очрашу узды. «Тормыш авыр диеп зарланабыз…» дип аталган әлеге җырлы-моңлы, юморлы чарага Раил Садриев иҗатын хөрмәт иткән шигырь сөюче тамашачылар, аның иҗатташ дуслары җыелган иде.

2019 елның 26 апрелендә Татарстан Республикасы Алабуга муниципаль районы Олы Шүрнәк авылының күпфункцияле үзәге бинасында «Ведомствоара хезмәттәшлек кысаларында китапханә системасын үстерүнең актуаль мәсьәләләре» дигән ведомствоара семинар булды. Аның эшендә Татарстан Республикасы Милли китапханәсе хезмәткәрләре дә катнашты.


26
апрель 2019 ел.
җомга

Татарстан Республикасы Милли китапханәсенең кулъязмалар һәм сирәк китаплар бүлеге хезмәткәрләре 2019 елның 23 һәм 24 апрель көннәрендә Мәскәү шәһәрендәге Россия дәүләт китапханәсендә оештырылган «Румянцев укулары–2019» халыкара фәнни-гамәли конференциясе эшендә катнаштылар.


25
апрель 2019 ел.
пәнҗешәмбе

2019 елның 23 апрелендә Казан федераль университетының Лев Толстой исемендәге Филология һәм мәдәниятара багланышлар институтында (Казан, Татарстан урамы, 2 йорт) Татарстанның халык шагыйре Разил Вәлиевнең җиде томлык «Әсәрләр»е басмасын тәкъдим итү кичәсе булды. 2018 елда Татарстан китап нәшриятында дөнья күргән әлеге күптомлык әдипнең бай иҗатын тулаем күзаллау һәм аның белән әтрафлы танышу мөмкинлеге бирә: аерым-аерым томнарда шигырьләре, роман һәм повестьлары, пьесалары һәм әдәби тәрҗемәләре, мәкаләләре, күренекле шәхесләр белән әңгәмәләре, публицистик язмалары, иҗади һәм сәяси эшчәнлеге хакында каләмдәшләренең бәяләмәләре, шигъри багышлаулары һ.б. урын алган.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования