ЯҢАЛЫКЛАР


1
март 2018 ел.
пәнҗешәмбе

2018 нче ел Россиядә Максим Горький елы буларак та билгеләп үтелә. Татарстан Республикасы Милли китапханәсенең Күргәзмәләр залында (Казан, Кремль урамы, 33 нче йорт) язучының 150 еллык юбилее уңаеннан «Горькийның рухи дөньясы» дип аталган күргәзмә эшли.


27
февраль 2018 ел.
сишәмбе

2018 нче елның 1 нче мартында кече күләмле әсәрләрнең «ЭтноПеро» 2018  Халыкара әдәби конкурсы старт ала. Бәйгене Свердловск өлкәсе мәдәният министрлыгы булышлыгы белән «Свердловск өлкә милләтара китапханәсе» Дәүләт бюджет мәдәният учреждениесе оештыра.


22
февраль 2018 ел.
пәнҗешәмбе

2018 нче елның 21 нче февралендә «Казан» милли-мәдәни үзәгендә Халыкара Туган тел көненә багышланган зур кичә булып узды. Аны үткәрүдә Татарстан Республикасы Милли китапханәсе дә үзеннән зур өлеш кертте. «Казан» милли-мәдәни үзәге күргәзмәләр залында Милли китапханәнең татар әдәбияты һәм туган якны өйрәнү бүлеге, вакытлы матбугат бүлеге хезмәткәрләре «Тел язмышы – милләт язмышы» дип аталган бай күргәзмә оештырды.

 


20
февраль 2018 ел.
сишәмбе

2018 нче елның 16 нчы феврале көнне Әтнә районының Шиһабетдин Мәрҗани исемендәге Комыргуҗа урта мәктәбендә һәм Габдулла Тукай исемендәге Әтнә дәүләт драма театрында, бөек мәгърифәтченең 200 еллык юбилеена багышлап, Ш.Мәрҗани исемендәге республикакүләм фәнни-гамәли конференция үткәрелде. Аның эшендә Татарстан Республикасы Милли китапханәсе вәкилләре дә катнашты.

22 февральдә китапханә 19 сәгатькә кадәр эшли.

23 февраль - ял (бәйрәм) көне.

24 һәм 25 февральдә китапханә график буенча эшли.


14
февраль 2018 ел.
чәршәмбе

2018 нче елның 10 нчы февралендә Татарстан Республикасы Милли китапханәсенең (Казан шәһәре, Кремль урамы, 33 нче йорт) татар әдәбияты һәм туган якны өйрәнү бүлеге хезмәткәрләре Казан театр училищесы шәкертләре өчен «Күренекле кыргыз язучысы Чыңгыз Айтматов әсәрләре татар телендә» дигән темага мәгълүмат сәгате үткәрде.


13
февраль 2018 ел.
сишәмбе

2018 нче елның 12 нче февралендә Г.Камал исемендәге Татар дәүләт академия театры бинасында күренекле әдип, Татарстанның халык язучысы Аяз Гыйләҗевнең тууына 90 ел тулуга багышланган әдәби-музыкаль кичә узды. 

Кабан арты мәчетендә оештырылган татар телен өйрәнү курсларына йөрүчеләр 2018 нче елның 9 нчы феврале көнне Татарстан Республикасы Милли китапханәсенең кулъязмалар һәм сирәк китаплар бүлегендә булдылар.

 


8
февраль 2018 ел.
пәнҗешәмбе

2018 нче елның 7 нче февралендә Татарстан Республикасы Милли китапханәсенең Зур уку залында (Казан шәһәре, Кремль урамы, 33 йорт) Гөлүсә һәм Закир Шаһбаннар иҗатына багышланган «Кабатланмас безнең сөюләр» дигән очрашу кичәсе узды.

 


2
февраль 2018 ел.
җомга

2018 нче елның февраль ае дәвамында Татарстан Республикасы Милли китапханәсенең Күргәзмәләр залында (Казан, Кремль ур., 33 нче йорт) «Син Ватанны, Сталинградны якладың» дип аталган күргәзмә эшли. Ул Сталинград сугышы тәмамлануның 75 еллыгы уңаеннан куелды. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования