ЯҢАЛЫКЛАР


27
апрель 2018 ел.
җомга

2018 нче елның 26 нчы апрелендә Габдулла Тукайның тууына 132 ел тулды. Татар халкының бөек улы милләтебезгә генә түгел, дөнья әдәбиятына бик зур иҗади мирас калдырды. Шагыйрьнең әсәрләре зур тиражлар белән һаман басыла торалар, алар төрле телләргә тәрҗемә ителгән.

 


26
апрель 2018 ел.
пәнҗешәмбе

27 апрель (җомга) һәм 28 апрель (шимбә) көннәрендә китапханә иртәнге 9.00 дан кичке 18.00 сәгатькә кадәр эшли.

29-30 апрель һәм 1-2май – ял көннәре.


23
апрель 2018 ел.
дүшәмбе

2018 нче елның 21 нче апрелендә Татарстан Республикасының Милли китапханәсе ел саен уздырыла торган «Китапханә төне» уку фестивалендә катнашты. Әлеге традицион чара быел «Китап тылсымы» шигаре астында узды.


21
апрель 2018 ел.
шимбә

Татарстан Республикасы Милли китапханәсе Төмән өлкәсе Түбән Варта шәһәренең 5 нче номерлы китапханәсе китап сөючеләрен видеокүпер аша татар язучылары белән әледән-әле очраштырып тора. Чираттагы видеоочрашу Татарстанның халык язучысы Гәрәй Рәхим белән булды.


19
апрель 2018 ел.
пәнҗешәмбе

2018 нче елның 21 нче апрелендә Татарстан Республикасы Милли китапханәсендә (Казан, Кремль ур., 33 нче йорт) «Китапханә төне – 2018» Бөтенроссия уку фестивале кысаларында мәдәни чаралар уздырыла. Әлеге традицион чара быел «Китап тылсымы» шигаре астында үтәчәк.


18
апрель 2018 ел.
чәршәмбе

2018 нче елның 30 нчы мартыннан Татарстан Республикасы Милли китапханәсенең Зур уку залында (Казан, Кремль ур., 33 нче йорт) татар әдибе, күренекле җәмәгать эшлеклесе һәм сәясәтче Гаяз Исхакыйның тууына 140 ел тулуга багышланган «Милләт сәгадәте юлында» исемле күргәзмә эшли башлады.


17
апрель 2018 ел.
сишәмбе

Татарстан Республикасы Милли китапханәсенең татар әдәбияты һәм туган якны өйрәнү бүлеге (Казан, Кремль ур., 33 нче йорт) апрель аенда да күренекле шәхесләрнең иҗатларын җәмәгатьчелеккә таныту юнәлешендәге эшчәнлеген дәвам итә. Бүлектә төрле кызыклы очрашулар, мәгълүмат сәгатьләре үткәрелә, китап күргәзмәләре һәм тупланмалары куела.

2018 нче елның 16 нчы апрелендә Татарстан Республикасы Милли китапханәсенең вакытлы матбугат бүлеге хезмәткәрләре, «Ватаным Татарстан» газетасының бер гасырлык юбилее уңаеннан, Татарстанның Мәгарифне үстерү институты уку залында республикабызның төрле районнарыннан килгән татар теле һәм әдәбияты укытучылары белән очрашу үткәрде. 

2018 нче елның 16 нче апрелендә Татарстан Республикасы Милли китапханәсенең Зур уку залында (Казан шәһәре, Кремль урамы, 33 нче йорт) Татарстанның атказанган артисты, Буа татар дәүләт сатира һәм юмор театрының сәнгать җитәкчесе Раил Садриев белән очрашу узды.

2018 нче елның 16 нчы апреле көнне Татарстан Республикасы Милли китапханәсенең вакытлы матбугат бүлеге хезмәткәрләре Татарстанның Мәгарифне үстерү институтында, «Мәгариф» журналының 105 еллык юбилее уңаеннан, районнарда һәм Казан мәктәпләрендә белем бирүче татар теле һәм әдәбияты мөгаллимнәре өчен журнал редакциясе вәкилләре белән очрашу үткәрде. 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования