Иртәләрем, кичләрем
Исле гөлләр исе булып
Исләремә төшәсең.
Халык җыры
Синсез үтә, тиңсез үтә
Иртәләрем-кичләрем...
Айлар буе, еллар буе
Юксындырсаң, нишләрем?!
Ал күренсә, гөл күренсә
Бакчаларда күземә,
Алсу гөлләр исе булып
Төшәсең син исемә!
Синсез үтә, тиңсез үтә
Иртәләрем-кичләрем...
Айга китсә, елга китсә,
Күпкә китсә, нишләрем?!
Көзләр килде, гөлләр шиңде,
Инде төшкә керәсең...
Төшкә кереп, искә төшеп
Үзәгемне өзәсең!
Синсез үтә, тиңсез үтә
Иртәләрем-кичләрем...
Аена түзәм, елына түзәм,
Мәңгесенә нишләрем?!
1957
Безнең сайтны куллануны дәвам итеп, сез
сайтның дөрес эшләвен тәэмин итүче "cookie" файлларны эшкәртергә рөхсәт бирәсез.
Адрес: 420015, Татарстан, Казан шәһәре, Пушкин ур., 86 йорт
Телефон:
(843) 222-82-85
E-Mail: Director.Nbrt@tatar.ru
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз