Мөсәгыйт Хәбибуллин. Биобиблиографик белешмәлек
Чыганак: https://baigysh.tatar/mosagit-xabibullin/
2022 елның 25 декабрендә күренекле татар язучысы, тарихи романнар авторы, Татарстанның Г. Тукай бүләге иясе (2003), Татарстан Республикасының халык язучысы Мөсәгыйт Мөдәррис улы Хәбибуллинның тууына 95 ел тула (1927-2019).
«Татарстан Республикасының күренекле мәдәният һәм сәнгать эшлеклеләре» сериясеннән чираттагы электрон биобиблиографик белешмәлек әлеге истәлекле дата уңаеннан төзелде.
Мөсәгыйт Хәбибуллинның «Унсигезенче яз» исемле беренче күләмле әсәре
1969 елда «Казан утлары» журналында басылып чыга. Тормышка, күмәк хезмәткә мөнәсәбәттә төрле һөнәр кешеләренең әхлакый һәм рухи дөньяларын ачуга багышланган «Икмәк кадере» (1968), «Тау белән тау очрашмаса да» (1970), «Хәтер ярлары» (1977) повестьлары һәм «Чоңгыллар» (1973), «Сулар үргә акса да» (1982) романнары шул чор татар прозасындагы актуаль яңгырашлы әсәрләр буларак кабул ителәләр.
Күренекле каләм иясен популяр язучы итеп таныткан әсәрләр – 80 нче еллардан башлап аерым китап рәвешендә яки журнал басмаларында дөнья күргән тарихи романнар сериясе: «Кубрат хан», «Илчегә үлем юк», «Шайтан каласы», «Хан оныгы Хансөяр», «Аллаһы бүләге», «Батый хан һәм Ләйлә», «Сөембикә ханбикә һәм Иван Грозный» һ.б. Бу әсәрләрендә автор, тарихи чыганакларга таянып, һун-төрки, болгар-татарларның тарихын һәм катлаулы язмышларын сурәтли.
М.Хәбибуллин тарихи темаларга, милләт язмышы, әхлак мәсьәләләренә кагылышлы күпсанлы публицистик мәкаләләр авторы буларак та укучыларга яхшы таныш. Ул - Татарстанның һәм Россия Федерациясенең атказанган мәдәният хезмәткәре (1977, 1987), Россия Гуманитар фәннәр академиясенең шәрәфле академигы (1997), Россия Язучылар берлегенең әдәби бүләге (1984) һәм Кол Гали исемендәге Халыкара премия иясе (1996).
«Кубрат хан» романы өчен М. Хәбибуллин 2003 елда Татарстан Республикасының Г.Тукай исемендәге Дәүләт премиясенә лаек була. 2008 елда аңа Татарстан Республикасы Президенты М. Ш. Шәймиев Указы белән «Татарстан Республикасының халык язучысы» дигән исем бирелә.
Тәкъдим ителә торган белешмәлектә язучының тәрҗемәи хәле, тормышы һәм иҗаты турында материаллар, әсәрләре, аның турындагы видеоязмалар, аудиоязмалар, методик материаллар тупланды. Мөсәгыйт Хәбибуллинга багышланган Интернет челтәрендәге мәгълүмат чыганаклары да күрсәтелде. «Библиография» бүлегендә әдипнең басылып чыккан әсәрләре исемлеге, аның тормышы һәм иҗаты хакындагы чыганаклар урын алды. Белешмәлек рус һәм татар телләрендә төзелде.
Тәрҗемәи хәле
- Мөсәгыйт Хәбибуллин
- Мөсәгыйт Хәбибуллин
- Мөсәгыйт Хәбибуллин
- Хәбибуллин Мөсәгыйть Мөдәррис улы — язучы
- Хәбибуллин Мөсәгыйть
Тормышы һәм иҗаты хакында
- М. Хәбибуллинның Кубрат хан романында төп геройның сәнгатьчә гәүдәләнеш үзенчәлекләре [особенности художественного изображения главного героя в романе М. Хабибуллина Кубрат хан]
- Тарихи-мәдәни мирасыбызны М.Хәбибуллин иҗатында барлыйбыз
- Татар язучыларының афоризмнары, хикмәтле сүзләре, фәлсәфи уйланулары
- Хәбибуллин Мөсәгыйт Мөдәррис улы=Мусагит Мударисович Хабибуллин
М. Хәбибуллин турында мәгълүмат чыганаклары
- Егерме җиденче елгылар
- Татар җәмәгатьчелеге Мөсәгыйт Хәбибуллинны соңгы юлга озатты
- “Туган якны өйрәнү тирәлеге”нең чираттагы утырышы Мөсәгыйть Хәбибуллинга багышланачак
- Халык язучысы Мөсәгыйть Хәбибуллин вафат
- "Язучы Мөсәгыйт абый Хәбибуллин елаучылардан түгел иде, ул үзен зур тарихка ия халыкның бер вәкиле итеп күрде"
Аудиоязмалар
Видеоязмалар
- Мөсәгыйт Хәбибуллин | Әдәби хәзинә 31 07 2021
- Мусагит Хабибуллин: за прошлое, настоящее и будущее своего народа. 7 дней | ТНВ
М. Хәбибуллинга багышланган методик материаллар, презентацияләр
- Мөсәгыйт Хәбибуллин иҗаты: презентация
- Мөсәгыйт Хәбибуллин “ Илчегә үлем юк” романында лексик катламнарның тоткан урыны: фәнни-тикшеренү эше
Библиография
Соңгы яңарту: 2022 елның 21 декабре, 17:33