Россия китапханәләре эшендә яңа мәгълүмати технологияләрдән файдалану

19 октябрьдә Татарстан Республикасы Милли китапханәсенең мәгълүмат- библиография бүлегендә Өстәмә һөнәри белем бирү институтында «Мәгълүмат-китапханә эшчәнлеге менеджменты» темасы буенча белемнәрен күтәрүче Татарстан Республикасының үзәкләштерелгән китапханәләр системасы бүлекләре һәм филиаллары мөдирләре өчен «Россия китапханәләре эшендә яңа мәгълүмати технологияләрдән файдалану» дип аталган семинар үткәрелде.
Презентацияләр китапханәләрнең мәгълүмати технологияләр белән эшләү тәҗрибәсенә, мәгълүмати-туган якны өйрәнүгә багышланган мәгълүмат ресурсларын төзү тәҗрибәсенә, Россия Федерациясенең милли, край, өлкә китапханәләрендәге мәдәният һәм сәнгатькә караган мәгълүмат хезмәтләре электрон ресурсларының Бөтенроссия смотр-бәйгесенең IV этабы нәтиҗәләренә («Электрон басмалар» (2011-2013) номинациясендә) багышланган иде.
Тыңлаучылар өчен мәгълүмати һәм методик чыганаклардан күргәзмә әзерләнде.