«Яшьләр белән социомәдәни эшчәнлек: проблемалар һәм чишелешләр»

1 нче октябрьдә Татарстан Милли китапханәсенең мәгълүмат-библиография бүлегендә КДМСУның чыгарылыш курсы студентлары өчен «Яшьләр белән социомәдәни эшчәнлек: проблемалар һәм чишелешләр» дип аталган мәгълүмат көне үткәрелде. Студентлар китапханәнең мәгълүмат ресурслары, электрон каталоглар һәм картотекалар, мәгълүмати-белешмә фонд белән, мәгълүмати чыганаклардан һәм сценарийлардан оештырылган күргәзмә белән таныштылар.
Алар өчен ТР Милли китапханәсе сайтының электрон ресурсларына, Мәдәният һәм сәнгатькә караган мәгълүматлар үзәге, Хокукый мәгълүматлар үзәге ресурсларына күзәтү, наркотик бәйлелекне кисәтү чаралары турындагы һәм яшьләргә багышланган башка сценарийларга күзәтү ясалды. Моннан тыш, алар хокукый Интернет-ресурслар, шул исәптән хокукый мәгълүматларның рәсми порталы белән таныштылар.
Катнашучыларда яшь гаиләләргә багышланган Интернет-ресурсларга күзәтү зур кызыксыну уятты.