ЯҢАЛЫКЛАР
2018 елның 7 декабрендә Ш.Мәрҗани исемендәге Тарих институтында татар җәмәгать эшлеклесе, педагог, журналист Әхмәдһади Максудиның тууына 150 ел һәм сәясәт эшлеклесе, профессор, хокук фәннәре докторы Садри Максудиның тууына 140 ел тууга багышланган «Бертуган Максудиларның фәнни мирасы һәм иҗтимагый эшчәнлеге» дип аталган Халыкара фәнни конференция узды. Анда Татарстан Республикасы Милли китапханәсе вәкилләре дә катнашты.
2018 елның 7 декабрендә Татарстан Республикасы Милли китапханәсендә «Җырчы казлар» дип аталган әкиятләр китабын тәкъдим итү кичәсе үтте. Китапның нашире – «Җыен» фонды, төзүчесе һәм тәрҗемәчесе – Татарстанның халык шагыйре Разил Вәлиев.
2018 елның 10 декабре көнне Татарстан Республикасы Милли китапханәсе Татарстан Республикасының Архив эше буенча дәүләт комитеты тарафыннан «Корстон» күңел ачу комплексындагы «Пушкин» залында үткәрелгән «Шиһабетдин Мәрҗани һәм аның мирасы» дип аталган документлар күргәзмәсендә катнашты.
2018 елның 1-2 декабрь көннәрендә Алексеевск районының Биләр җирлегендә урнашкан «Фәнсар» уку-укыту үзәгендә «Әнвәр Хәйри укулары» Республикакүләм яшьләр фәнни-гамәли конференциясе узды. Анда Татарстан Республикасы Милли китапханәсе вәкиле дә катнашты.
Декабрь ае дәвамында Татарстан Республикасы Милли китапханәсенең Күргәзмәләр залында (Казан, Кремль ур., 33) язучының 100 еллык юбилеена багышланган «Солженицын – фикер иясе, тарихчы, сурәтләү остасы» дип аталган китап күргәзмәсе эшли.
Казан шәһәре мәгариф идарәсе инде берничә ел рәттән «Татар кызы. Татар егете» шәһәр конкурсын үткәреп килә. Конкурсның максаты – мәктәп укучыларының иътибарын татар халкының мәдәниятен, әдәбиятын, тарихын ныклабрак өйрәнүгә юнәлтү, укытучыларның тәрбия эше сыйфатын күтәрү, сәләтле балаларны ачыклау.
28 ноябрь – җыештыру көне
2018 нче елның 22 нче ноябрендә Ирек мәйданында урнашкан Казан Ратушасы бинасында Татарстанның халык шагыйре Равил Фәйзуллинның 75 яшьлек юбилее уңаеннан чыгарылган «Гомер калейдоскобы» китабын тәкъдир итү кичәсе булды. Әлеге чарада әдипнең гаилә әгъзалары, дәүләт һәм җәмәгать эшлеклеләре, галимнәр һәм иҗатташ дуслары, укытучылар һәм башка төбәкләрдән килгән мәртәбәле кунаклар катнашты.
2018 елның 15 ноябрендә Татарстан Республикасы Милли китапханәсенең Зур уку залында, язучы Чыңгыз Айтматовның тууына 90 ел тулуга багышлап, «Чыңгыз Айтматов – дөнья мәдәниятенең асыл заты» дип исемләнгән китап укучылар конференциясе үткәрелде.
2018 елның 12–14 ноябрь көннәрендә КФУның Лев Толстой исемендәге Филология һәм мәдәниятара багланышлар институтында «Аяз Гыйләҗев: дөнья мәдәниятләрендә әдипнең мирасы» дигән Халыкара фәнни-гамәли конференция узды. ТР Милли китапханәсе әлеге форумда «Бай әдәби иҗат – мәңгелек мирас», «Татар язучыларының әсәрләре башка телләргә тәрҗемәләрдә» дип аталган китап күргәзмәләре белән катнашты.