Татарстан Республикасы Милли китапханәсе

Укучыларга хезмәт күрсәтү бүлегенең сентябрь ае күргәзмәләре

2013 елның 2 сентябре, дүшәмбе

2013 нче елның сентябрендә Татарстан Республикасы Милли китапханәсенең укучыларга хезмәт күрсәтү бүлеге илебезнең генә түгел, ә бөтен дөнья җәмәгатьчелеген кызыксындырган актуаль темаларга күргәзмәләр сериясе әзерләде.

«Террорчылыкка каршы торуны хокукый тәэмин итү» – «Татарстан Республикасының 2012-2014 нче елларга террорчылыкка һәм экстремизмга каршы максатчан программасы» кысаларында оештырылган күргәзмә.

Берничә тематик күргәзмә яшүсмерләрне тәрбияләүгә багышлана:

«Яшүсмерләрне җенси яктан тәрбияләү: гаилә тормышының этикасы һәм психологиясе»

«Гаиләнең шәхесне тәрбияләүдә әһәмияте»

«Бала хокуклары: кеше шәхесенең дәрәҗәсе һәм кыйммәте»

Болар Европа Советы Конвенциясе тарафыннан билгеләнгән чаралар кысаларында оештырылган.

«Су чыганаклары һәм технологик ысуллар» дип исемләнгән тематик күргәзмә «Экологик культура. Тынычлык һәм бердәмлек» дигән халыкара проектка теләктәшлек итә.

«Инновация – икътисади алга китеш чарасы» инновацияләрнең җәмгыять үсешендәге ролен, фәнни-техник алгарыш, яңа алымнар барлыкка китерү һәм үзләштерү закончалыкларын, инновацион эшчәнлек инфрастуктурасы үзенчәлекләрен ачыклый.

БАРЛЫК ЯҢАЛЫКЛАРНЫ УКУ