«Урман бит ул – агачлар гына түгел»

Татарстан Республикасы Милли китапханәсенең вакытлы матбугат бүлегендә (Казан, К.Маркс ур., 36 нчы йорт) «Экологик культура һәм тирә-як мохитне саклау» дип исемләнгән күргәзмәләр циклы дәвам итә.

2013 нче елның 16 нчы сентябреннән 30 нчы сентябренә кадәр бүлектә «Урман бит ул – агачлар гына түгел» исемле күргәзмә эшләячәк.
Табигать безгә сулар өчен чиста һава, эчәр өчен сихәтле су бирә. Шуны истә тотып, бар тереклекне саклыйк һәм аңа зыян салмыйк.
Урман – ул бик зур байлык. Урманны кисү белән беррәттән, аны утырту һәм саклау турында да даими кайгыртырга кирәк.
Күргәзмәдә китапханә фондларында сакланучы «Экология и промышленность России», «Экология и жизнь», «ЭКОС», «Лесная новь», «Лесное хозяйство», «Журнал непрерывного экологического образования» һ.б. газета-журналлар урын алачак.

Күргәзмә белән танышырга рәхим итегез!