Белем һәм грамоталылык көннәре

Сентябрь башында бер-берсенә тыгыз бәйләнгән ике бәйрәм – 1 сентябрьдә – Белем көне, 8 нче сентябрьдә – Халыкара грамоталылык көне билгеләп үтелә. Шул уңайдан мәгълүмат-библиография бүлегендә энциклопедияләрдән, белешмәлекләрдән, сүзлекләрдән һәм бүлек фондындагы башка мәгълүмати чыганаклардан торган күргәзмә куелды.

Һәр ел 1 нче сентябрьдә билгеләп үтелә торган Белем көне рәсми рәвештә күптән түгел – СССР Югары Советы тарафыннан 1984 нче елда расланды. Бу көнгә кадәр дә, аннан соң да, беренче сентябрь – яңа уку елы башлану, яңа белемнәр бәйрәме булып тора.


8 нче сентябрь бөтен дөньяда Халыкара грамоталылык көне буларак билгеләп үтелә. Әлеге көн киң җәмәгатьчелек игътибарын кешелекнең грамоталылык проблемаларына җәлеп итүне максат итеп куя.