Джордж Гершвинның тууына 115 ел

2013 нче елның 26 нчы сентябрендә атаклы америка композиторы Джордж Гершвинның (1897- 1937) тууына 115 ел тула. Татарстан Республикасы Милли китапханәсенең сәнгать бүлегендә аның иҗатына һәм тәрҗемәи хәленә багышланган күргәзмә ачылды.

Гершвин әйтүенчә, «Гомумкешелек сәнгатенә, яисә халык авыз иҗатына хас сыйфатларга ия булган музыка гына яши ала». Аның бу сүзләре үзенең иҗатына да туры килеп тора. Гершвин иҗатына фольклорга нигезләнү, халыкчанлык, тормышка оптимистик караш, демократизм хас. Ул үз-үзенә бикләнеп, тормыштан аерылып яшәмәгән. Композитор гади халыкның шатлыкларын һәм кайгыларын, мәхәббәт һәм сагышларын тасвирлап иҗат иткән. Шуңа күрә дә аның иҗатына миллилек һәм халыкчанлык хас.

Күргәзмәдә китаплар, белешмә басмалар, музыкаль язмалар урын алды.
Казан шәһәренең Театр урамындагы 5 нче йортта урнашкан сәнгать бүлегенә рәхим итегез!