Интеллектуаль милекне саклау мәсьәләләре турында

2013 нче елның сентябрендә Татарстан Республикасы Милли китапханәсенең патентлар бүлегендә (Казан, К. Маркс урамы, 36 нчы йорт)
интеллектуаль милекне саклау мәсьәләләренә багышланган «Интеллектуаль милек: нәзарият һәм гамәлият» дигән күргәзмә эшли.

Хәзерге көндә интеллектуаль милек икътисадның нигезенә әверелә. Интеллектуаль милекнең тормышыбыздагы әһәмияте искиткеч зур. Күргәзмәгә куелган материалларда авторлар интеллектуаль милек белән идарә итүне оештыру тәҗрибәсе белән уртаклашалар.Уйлап табуларны, сәнәгать үрнәкләрен, файдалы модельләрне бәяләү мисаллары китерелә. Күргәзмәдә интеллектуаль милекне саклауга багышланган белешмәлекләр һәм килешү үрнәкләре тупланган җыентыклар урын алган. Монда шулай ук «Патентлар һәм лицензияләр»,
«Интеллектуаль милек. Авторлык хокукы һәм катнаш хокуклар», «Инновацияләр» дип аталган басмалар белән танышып була.

Күргәзмә белгечләр, мөгаллим һәм студентлар өчен тагаенләнгән.