Архитекторлар һөнәри бәйрәмнәрен билгеләп үтә

Һәр ел саен октябрь аеның беренче дүшәмбесе Бөтендөнья архитектура көне буларак бәйрәм ителә. Архитекторларның һәм архитектур һәйкәлләрне саклаучыларның һөнәри бәйрәменә багышлап, Татарстан Республикасы Милли китапханәсенең сәнгать бүлеге күргәзмә тәкъдим итә.
Еш кына архитектураны ташлар симфониясе, ә дөнья архитектурасы тарихындагы күренекле шаһәсәрләрне шушы симфониянең аккордлары дип атыйлар. Алар хәзер дә, үзләрен барлыкка китерүчеләрнең талантына һәм акылына дан җырлап, мәгърур һәм тантаналы яңгырыйлар. Бүген дә без кешелек мәдәниятенең символы дип аталучы Парфенон гыйбадәтханәсенә, Истанбулдагы Айя-Суфия мәчетенә, Петербургтагы Кышкы сарайга һәм архитектура даһиларының башка шундый хезмәтләренә сокланабыз.
Күргәзмәдә рәсемле альбомнар һәм китаплар, белешмә басмалар урнаштырылган.

Сезне сәнгать бүлегендә (Казан, Театр ур., 5 нче йорт) көтеп калабыз!