«Төрки халыклар мәдәнияте вакытлы матбугат битләрендә»

Халыкара төрки мәдәният оешмасы (ТЮРКСОЙ) әгъзалары булган илләр мәдәният министрлары Даими Советының чираттагы XXX утырышы Казан шәһәрен төрки дөньяның 2014 елгы мәдәни башкаласы дип игълан итте.

Татарстан Республикасы Милли китапханәсенең вакытлы матбугат бүлеге (Казан, К.Маркс ур., 36 нчы йорт) китапханә хезмәтләреннән файдаланучылар игътибарына «Казан – төрки дөньяның 2014 елгы башкаласы» дип аталган циклдан күргәзмәләр сериясен тәкъдим итә башлый.
Әлеге сериянең беренче күргәзмәсе «Төрки халыклар мәдәнияте вакытлы матбугат битләрендә» дип атала. Күргәзмә китапханә фондларында сакланучы басмалардан оештырылды, ягъни биредә төрле елларда басылып чыккан газета-журнал битләрендәге язмалар урын алган.

Күргәзмә гыйнвар аеның 15 еннән 31 енә кадәр эшләячәк.
Рәхим итегез!