«Ә син китапханәгә язылдыңмы?»

2012 нче елның май аенда Казан шәһәре Идел буе районы мәктәпләренең югары сыйныф укучылары арасында «Ә син китапханәгә язылдыңмы?» исемле конкурс булып узды. Аны Татарстан Республикасы Милли китапханәсенең вакытлы матбугат бүлеге һәм сәнгать бүлеге хезмәткәрләре Гомумроссия Китапханәләр көне уңаеннан оештырдылар.

Конкурсның беренче өлешендә укучылар Китапханәнең бай тарихы, шулай ук китап һәм китапханәчеләр турында язылган шигырьләр белән таныштылар.

Конкурсның икенче өлешендә шушы ук темага багышланган викторина оештырылды.

Мәктәп укучылары Китапханәгә даими файдаланучылар булып язылдылар, ә конкурста җиңүчеләргә исә истәлекле бүләкләр – китаплар тапшырылды.