Юбилярлар турында

Зур сәнгать дөньясында ике күренекле дата, ике юбилей. 2012 нче елның 30 нчы маенда шагыйрь, күп җырлар авторы Лев Ошанинның тууына 100 ел, ә 31 нче майда рус рәссамы Михаил Нестеровның тууына 150 ел тула. Татарстан Республикасы Милли китапханәсенең сәнгать бүлеге (Театр ур., 5 нче йорт) бу күренекле даталарга багышланган күргәзмәләр тәкъдим итә.
Лев Ошанин шигырьләренә язылган җырлар сәнгать тарихында әһәмиятле урын алып тора. Аның шигырь юллары афоризмнарга һәм канатлы сүзләргә бай. Зур стадионнарда, киң шәһәр мәйданнарында яңгыраган «Демократик яшьләр гимны» җырын искә төшерү дә җитә. «Һәрвакыт булсын кояш» җыры бөтен дөньяда танылу алды. Бу дәртле, темпераментлы, энергияле җыр хәзерге көндә дә беркемне дә ваемсыз калдырмый. Композиторлар белән берлектә Лев Ошанин илебезнең җыр сәнгатендә зур казаныш яулаган күп җырлар иҗат итте.
Рәссам Михаил Викторович Нестеров дини бизәкләр төшерү, дөнья мәшәкатьләреннән читтә әхлаклылык эзләү турында бәян итүче картиналар ясау остасы буларак таныш. Ул табигатне нечкә тоемлаучы һәм күтәренке рухта сурәтләүче рәссамнарның берсе, портретлар ясау остасы. Аның тормышы озын һәм иҗади булды. Бу вакыт эчендә илебез тарихы, рус сәнгате зур үзгәрешләр кичерде. Тормыш үзгәрде, шуның белән бергә Нестеров иҗаты да үзгәрде, шул ук вакытта үзенең үзенчәлеген югалтмады.
Күргәзмәләрдә китаплар, альбомнар, ноталы басмалар һәм музыкаль әсәрләр урнаштырылган.