Француз композиторы Клод Дебюссиның тууына 150 ел

22 нче август көнне француз композиторы, музыкада импрессионизм остасы Клод Дебюссиның (1862–1918) тууына 150 ел тула. Ул – ХХ гасыр музыкасына бик зур тәэсир ясаган шәхес.

«Дебюсси – кабатланмас иҗади үзенчәлеккә, сирәк очрый торган мөлаемлыкка ия художник», – дип язган узган гасырның күренекле тәнкыйтьчесе Ю.Кремлев.

Татарстан Республикасы Милли китапханәсенең сәнгать бүлеге Останың тормыш һәм иҗат юлы турында сөйләүче күргәзмә тәкъдим итә. Биредә китаплар, брошюралар, аудиовизуаль материаллар, ноталар урын алган.