Татарстан – уртак йортыбыз

Казанда Татарстан халыклары дуслыгы йорты ачылган көнне, ягъни 2012 нче елның 29 нчы августында, әлеге йорт бинасында Татарстан Республикасы Милли китапханәсенең китап күргәзмәсе узды.

Күргәзмәнең төп өлешен татар әдәбияты һәм туган якны өйрәнү, укучыларга хезмәт күрсәтү, китап саклау, мәгълүмат-библиография бүлекләре фондларыннан алынган, татар, рус һәм дөнья халыклары телләрендә нәшер ителгән китаплар тәшкил итте.

Күргәзмә материаллары Татарстанда яшәүче 100 дән артык милләт вәкилләренең: татар, рус, чуваш, яһүд, удмурт, украина, мордва, мари, башкорт, таҗик, әрмән, үзбәк, грузин, төрекләрнең һәм Татарстаныбызны уртак йортыбыз дип санаган башка халыкларның тарихы, мәдәнияте белән таныштыра.