Россия тарихы елына багышлап

ТР Милли китапханәсе сайтында «Россия тарихы елы» дип исемләнгән яңа электрон белешмәлек дөнья күрде. 2012 ел тарихи вакыйгаларга бик бай. Елның иң күренекле даталарының берсе - Россия дәүләтчелегенең 1150 еллыгын билгеләп үтү.
Бу истәлекле датаны истә тотып төзелгән белешмәлеккә Россия тарихын яктырткан күп кенә материаллар тупланды. Биредә Борынгы рус дәүләтенең барлыкка килүе, 1812 елгы Ватан сугышы турында кызыклы мәкаләләр, тарихи һәйкәлләр белән танышырга була.
2012  ̶  Татарстан Республикасының тарихи-мәдәни мирасы елы. Бу уңайдан белешмәлектә аерым бүлек урнаштырылды. Анда тарихи-мәдәни мирасны саклауга игътибарны арттыру, туган ягыбыз тарихын өйрәнү, мәдәни мирас объектларын саклау системасын камилләштерү турындагы фикерләр урын алды.