Л.Н.Гумилевның тууына 100 ел

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт), Л.Н.Гумилевның (1912-1992) тууына 100 ел тулу уңаеннан, «Тарихчы һәм шагыйрь» дип исемләнгән китап күргәзмәсе ачылды.
Лев Гумилев – төрки халыкларның яклаучысы, куәтле тормыш көченә ия булган, зур эрудицияле тарихчы, географ, этнолог һәм шагыйрь.
Күргәзмәдә Л.Н. Гумилевның Евразия халыклары тарихына, мәдәниятенә багышланган хезмәтләре, шулай ук уникаль галимнең, бөек шәхеснең тормыш һәм иҗат эшчәнлеге турында истәлек-хатирәләр һәм вакытлы матбугат язмалары куелды.