Интеллектуаль милек һәм ачык инновацияләр

2012 нче елның 1 нче октябреннән Татарстан Республикасы Милли китапханәсенең патентлар бүлеге (Карл Маркс ур., 36 нчы йорт) «Интеллектуаль милек һәм ачык инновацияләр» исемле күргәзмә белән танышырга чакыра.
Хәзерге заман шартларында, Россиянең БСОга кушылу этабында, инновацияле эшчәнлекнең төп бурычы булып җитештерелгән продукциянең көндәшлеккә сәләтен үстерү, фән һәм техниканың сәнәгать тармакларын үстерүгә керткән өлешен арттыру, оешмаларның эшчәнлек нәтиҗәлелеген күтәрү тора.
Күргәзмәдә урын алган материалларда Россиянең стратегиясендәге инновацион әһәмиятле юнәлешләр, инновацион сәясәтне тормышка ашыру механизмнары карала. Инновацион-актив оешма белән идарә итүнең үрнәк мисаллары китерелде. Шулай ук икътисадның инновацион өлкәсендәге инвестицияләрне күзәтеп тору турындагы әдәбият, интеллектуаль милекне бәяләүдә кулланылучы норматив документлар урын алды.
Күргәзмә интеллектуаль милек һәм инновацияле технологияләр өлкәсендә эшләүче белгечләр, студентлар, аспирантлар һәм фәнни хезмәткәрләр өчен тәкъдим ителә.