Патентлар бүлегендә семинарлар циклы

2012 нче елның 15 нче октябрендә Татарстан Республикасы Милли китапханәсенең патентлар бүлегендә (Карл Маркс ур., 36 нчы йорт) КНИТУ (КХТИ)ның 5 нче курс студентлары өчен чираттагы семинар уздырылды.
Семинарда күтәрелгән тема түбәндәге аспектлардан чыгып каралды:
а) файдалы модельне билгеләү;
б) файдалы модельгә бирелгән махсус хокукларның гамәлдә булу вакыты;
в) бирелгән махсус хокукларның гамәлдә булу вакыты бетү сәбәпле, файдалы модельнең җәмгыять казанышына әйләнүе;
г) РФ Гражданлык Кодексының файдалы модельгә патент алу өчен гариза бирү турындагы 1376 нчы маддәсе.
Студентлар нинди дә булса аерым бер темага караган патентларны эзләү буенча гамәли эш башкардылар.