«Социомәдәни һәм буш вакытны оештыру эшчәнлеге ресурслары» мәгълүмат көне

Татарстан Республикасы Милли китапханәсенең мәгълүмат-библиография бүлеге 18 октябрьдә КДМСУның ике төркем студент-культурологлары өчен «Социомәдәни һәм буш вакытны оештыру эшчәнлеге ресурслары» дигән мәгълүмат көне уздырды. Алар өчен РДК Информкультура ФТҮ басмаларыннан (басылып чыккан һәм электрон ), социомәдәни эшчәнлеккә караган вакытлы басмалардан, буш вакытны оештыручыларга ярдәмлек булган материаллар җыентыкларыннан, сценарийлардан һ.б. торган күргәзмә оештырылды.
Тыңлаучыларда социомәдәни һәм буш вакытны оештыру эшчәнлегенә караган Интернет ресурсларына күзәтү – презентация зур кызыксыну уятты. Алар арасында: хокукый тәэмин итү, Информкультура ФТҮ сайты, Татарстан Республикасы Милли китапханәсе сайты ресурслары, аеруча «Татарстан Республикасының күренекле мәдәният һәм сәнгать эшлеклеләре» сериясеннән электрон белешмәлекләр, «Сабантуй» һ.б. бар иде.