Татарстан Республикасының вакытлы матбугаты

Татарстан Республикасы Милли китапханәсенең күргәзмәләр залында (Кремль ур., 33 нче йорт) Татарстан Республикасының хәзер чыга торган вакытлы матбугатын чагылдырган кызыклы күргәзмә эшли башлады.
Китапханәдән файдаланучы күпсанлы укучылар өчен вакытлы матбугат яңалыкны һәрвакыт оператив рәвештә җиткерүче, күптөрле проблемалар хакында бәян итүче алыштыргысыз мәгълүмат чыганагы булып тора.
Күргәзмәдә республикабыз тормышын һәм башкалабыз Казан белән бәйле вакыйгаларны яктыртучы 200 дән артык исемдәге газета һәм 60 журнал тәкъдим ителде.
Күргәзмә ноябрь азагына кадәр эшләячәк.