«Социомәдәни өлкә мәгълүмат ресурслары – белгечләргә»

22 октябрьдә Татарстан Республикасы Милли китапханәсенең мәгълүмат-библиография бүлегендә «Социомәдәни өлкә мәгълүмат ресурслары – белгечләргә» дип аталган мәгълүмат көне узды.
Басма һәм электрон мәгълүмат чыганаклары күргәзмәсен карап чыгу Информкультура ФТҮ басмалары, мәдәнияткә, педагогикага, социомәдәни һәм буш вакытны оештыруга караган вакытлы басмалар белән таныштырды.
Тыңлаучылар социомәдәни эшчәнлекне хокукый тәэмин итү хакында мәгълүмат алдылар, РДК Информкультура ФТҮ сайты ресурслары (һәм CD-ROM), Ушинский исемендәге китапханә ресурслары белән таныштылар.
Татарстан Республикасы Милли китапханәсенең ерактагы файдаланучылар өчен ресурслары презентациясе: электрон каталоглар, электрон китапханә, аеруча татар һәм рус телләрендә төзелгән «Татарстан Республикасының күренекле мәдәният һәм сәнгать эшлеклеләре» сериясеннән электрон белешмәлекләр зур кызыксыну уятты.
Тыңлаучыларның фикерләренә караганда Республика хокукый мәгълүматлар үзәге һәм мәдәният һәм сәнгать мәгълүматлары үзәге ресурслары аларның гамәли эшләрендә зур ярдәм булып торалар.