Инвалидларга китапханә хезмәте күрсәтү: яңа чынбарлык

2012 елның 26 октябрендә Татарстан Республикасы Милли китапханәсендә Татарстан Республикасының үзәкләштерелгән китапханәләр сиситемасы китапханә хезмәткәрләренең «Инвалидларга китапханә хезмәте күрсәтү: яңа чынбарлык» дип аталган семинары узды.
Аның программасына Татарстан Республикасы Милли китапханәсенең фәнни-методик бүлеге тарафыннан әзерләнгән материалларга күзәтү, «Хәзерге җәмгыятьтә китапханәләрнең инвалидлар белән эшләү үзенчәлекләре һәм мөмкинлекләре: һөнәри вакытлы басмалар материаллары буенча (киңәш бирү). Татарстан Республикасы китапханәләренең эш тәҗрибәсеннән» слайд-презентациясе кертелде.
Татарстан Республикасы Милли китапханәсенең мәгълүмат-библиография бүлеге «Китапханәләрнең Интернет челтәрендә инвалидлар белән эш тәҗрибәсеннән» слайд-презентациясен, бу теманы яктырткан аеруча кызыклы сайтларны, электрон материалларны, бу юнәлештә күптән нәтиҗәле эшләүче китапханәләр сайтларын тәкъдим итте. Аеруча «Мәскәү китапханәләрендә тигез мөмкинлекләр елы» видеоматериаллары зур кызыксыну уяттылар.
Тыңлаучылар өчен мәгълүмат чыганакларыннан күргәзмә оештырылды.