Балалар өчен экскурсия программалары

Балаларның көтеп алынган каникул көннәре җитте. Аны ничек кызыклы һәм файдалы итеп уздырырга? Татарстан Республикасы Милли китапханәсе балалар өчен «Китап яши торган йорт» дип исемләнгән кызыклы экскурсия программасы тәкъдим итә.
Экскурсия барышында балаларны хәзерге вакытта китапханә урнашкан Ушкова йортының гүзәл интерьерлары, бу искиткеч бинаның хуҗалары тормышы белән таныштырып кына калмаячаклар, шулай ук ябык китап саклау урыннарын күрү мөмкинлеге дә булачак.
Барлык теләүчеләрне Казан шәһәре, Кремль урамы, 33 нче йорт адресы буенча көтеп калабыз.
Белешмәләр өчен телефон: 2(843)38-79-00 (күргәзмәләр һәм мәдәни программалар бүлеге)