Тәмәкесез дә яшәп була

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт) «Тәмәкесез тормышка җиде адым» дип исемләнгән китап күргәзмәсе ачылды.

Хәзерге көндә сәламәт яшәү рәвешенә омтылу күп кешеләргә хас, спорт белән шөгыльләнү көннән көн популярлаша бара. Шул ук вакытта тәмәке тарту халык арасында киң таралган зарарлы гадәтләрнең берсе булып кала.

Күргәзмәдә, нигездә, тәмәке тартуның зыяны турында сөйли торган китаплар куелды. Аерым урынны сәламәт яшәү рәвешен пропагандалаган катаплар алып тора, алар арасында спортның фигуралы шуу, велоспорт, теннис, самбо, йөзү төрләренә багышланганнары күпчелекне тәшкил итә.

Күргәзмә ноябрь ае ахырына кадәр дәвам итәчәк.