Реклама: Россиядә яңа технологияләр

Татарстан Республикасы Милли китапханәсенең укучыларга хезмәт күрсәтү бүлегендә (Кремль ур., 33 нче йорт) 2012 нче елның 15 нче ноябреннән 30 нчы ноябренә кадәр «Реклама: Россиядә яңа технологияләр» дип исемләнгән күргәзмә эшли.

Реклама безнең яшәешебездә мөһим урын алып тора. Җәмгыятьтә дә реклама үсеше мәсьәләләренә зур игътибар бирелә. Базар мөнәсәбәтләрендә конкурентлыкның кискенләшүе, шуның белән беррәттән, товар һәм хезмәт күрсәтү күләменең артуы рекламаны икътисадның махсуслаштырылган өлкәсенә әверелдерде.
Күргәзмәдә тәкъдим ителгән китапларда реклама эшчәнлегенең теоретик һәм гамәли аспектлары чагылыш таба.

Күргәзмәгә рәхим итегез!