Бәйрәмнәр: тарих һәм хәзерге заман

Менә кыш та җитте. Чатнама салкыннары һәм карлы бураннары, боз катырып ясаган таулары һәм кышкы күңел ачулары белән килде ул. Без барыбыз да – олылар һәм балалар – түземсезлек белән күңелле һәм әкияти көннәрне көтеп алабыз, чөнки бу – чыршылар, Кыш бабай, Кар кызы, бәйрәм фейерверклары, бүләкләр, каникул вакыты.
Ә һәрвакыт шулай булганмы соң? Ерак үткәннәрдә ничек яшәгәннәр һәм ял иткәннәр? Русьта нинди күңел ачулар булган? Яңа елны, Раштуаны ничек бәйрәм иткәннәр?
Гореф-гадәтләрне саклау, бәйрәмнәрне уздыру, кыйммәтле мираска игътибар, халыкларның уртак байлыгы буларак, буыннан-буынга күчә. Бәйрәмнәрдә планетабызда яшәүче һәр халыкның үзенчәлекле характеры, күңел матурлыгы һәм мәдәнияте ачыла.
Яңа ел бәйрәмнәре һәм кышкы каникуллар алдыннан ТР Милли китапханәсенең сәнгать бүлеге «Төрле дәверләрдә көнкүреш һәм мавыгулар» дип исемләнгән күргәзмә тәкъдим итә.
Күргәзмә өч өлештән тора:
1. «Кылыч, сабан һәм бәйрәм» бүлегендә урнаштырылган документлар бәйрәм чараларын уздыруда тамырлары белән антик чорга, кешелекнең сәнгате һәм мәдәнияте туу чорына барып тоташучы гореф-гадәтләр һәм традицияләр турында сөйли.
2. «Эшкә вакыт, уенга сәгать» – бу бүлектәге китаплар Русьта бәйрәмнәрне ничек уздырулары турында сөйли.
3. «Исәнме, кышкаем!» – тәкъдим ителгән төсле һәм матур бизәлешле китаплар һәм аудиоматериаллар кышкы бәйрәмнәрне күңелле һәм кызыклы итеп уздырырга ярдәм итәчәкләр.
Күргәзмәгә (Театр ур., 5 нче йорт) рәхим итегез! Без Сезнең белән очрашуга шат булачакбыз!