В.Высоцкийның тууына 75 ел

Татарстан Республикасы Милли китапханәсенең сәнгать бүлеге Владимир Высоцкийның тууына 75 ел тулуга багышланган күргәзмә тәкъдим итә.
2013 нче елның 25 нче гыйнварында җырчы, актер, күпләрнең кумиры Владимир Высоцкийның тууына 75 ел тула (1938-1980).
В.Высоцкий белән таныштыру кирәк түгел, үзе исән вакытта ук аның популярлыгы мөмкин булган барлык чикләрне уза. Җырчының карлыккан тавышы илебез халкына яхшы таныш, В.Высоцкий катнашында Таганка театрында спектакльләр тулы аншлаг белән барганнар. Ләкин аның тормышы һәрвакыт шома һәм уңышлы гына булмый. Бардның чиктән тыш популярлыгы югары җитәкчелекне куркыта һәм алар төрле ысуллар белән Высоцкийны халыктан аеру өчен тырышалар. Күп фильмнарда ул төшә алмый, күпме җырлары җырланмый, күпме шигырьләре үзе исән вакытта дөнья күрми калалар...
Катлаулы шәхес булган, шулай да бик күпләр яраткан Владимир Высоцкийның тормыш һәм иҗат юлы белән ТР Милли китапханәсенең сәнгать бүлеге тәкъдим иткән күргәзмәдә танышырга мөмкин.
Күргәзмәгә (Театр ур., 5 нче йорт) рәхим итегез!