Балаларга шатлык

2013 нче елның 23 нче гыйнвары көнне Татарстан Республикасы Милли китапханәсенең вакытлы матбугат бүлеге Казан шәһәренең Идел буе районында урнашкан 78 нче номерлы мәктәптә мөмкинлекләре чикләнгән балалар өчен күчмә күргәзмә оештырды.

Китапханәче апалар 3 нче һәм 4 нче сыйныф укучыларына Милли китапханә турында сөйләп, буклетлар бүләк иттеләр. «В мире животных», «Сабыйга», «Друг. Журнал для любителей кошек», «Друг. Журнал для любителей собак», «Зонтик» һ.б. журналлар белән таныштырдылар.

Журналларга күзәтүне игътибар белән тыңлаганнан соң, укучылар үзләрен кызыксындырган сорауларны бирделәр һәм тулы җаваплар алдылар.

Очрашу ахырында балаларга сувенирлар һәм тәм-томнар өләшенде.