«Сәнгатьтә һәм спортта кеше тәненең культы»

Татарстан Республикасы Милли китапханәсенең сәнгать бүлегендә 2013 нче елның 28 нче гыйнварында куелган күргәзмә шулай дип атала.
Сәнгать барлыкка килгәннән алып, аның төп һәм даими темасы булып кеше, аның тәне, җаны тора. «Кеше тәне – кеше җанының иң яхшы картинасы», – дип яза Л.Виттенштейн. Эчке дөньясының гүзәллеген чагылдыручы буларак кеше тәненең матурлыгы төрле чорларда төрлечә сурәтләнә. Һәр тарихи чорның кеше матурлыгы турында үз күзаллавы бар. Антик чорда, мәсәлән, кеше тәне һәм җаны матурлыгының билгеләмәсе бердәй булса, эстетик тәгълимат үскән саен бу төшенчәләр аерыла башлый. Ләкин һәрвакыт һәм һәр чорда рәссамнар кеше темасына мөрәҗәгать итеп, үз матурлык идеалларын иҗат итәләр.
Күргәзмәдә урын алган китаплар һәм танылган рәссамнарның репродукцияләрен туплаган альбомнар теманы төрле яклап ачып, кешенең җан һәм тән матурлыгын яңача күзалларга мөмкинлек бирәләр.
Күргәзмә өч бүлектән тора:
1. «Мәңгелек бүген төгәлләнми» – тарихи әдәбият һәм белешмә басмалар урнаштырылган;
2. «Таш шулай җанлана» – скульптурада кеше тәне культы турындагы әдәбият куелган;
3. «Кешеләр аллалар кебек» – танылган рәссамнар Тициана, Леонардо да Винчи, Микеланджело… һ.б ның шаһәсәрләреннән репродукцияләр бирелгән альбомнар тәкъдим ителә.
Күргәзмәгә (Казан, Театр ур., 5 нче йорт) рәхим итегез!