23 февраль – Ватанны саклаучылар көне

Татарстан Республикасы Милли китапханәсенең күргәзмәләр һәм мәдәни программалар бүлегендә (Казан, Кремль ур., 33 нче йорт), Ватанны саклаучылар көненә багышлап «Какшамас һәм тиңе булмаган» дип исемләнгән китап күргәзмәсе ачылды.

Россия – бай тарихи үткәне булган дәүләт. Ул үзен лаеклы саклап, азатлык яулап алу һәм дөньяда тынычлык урнаштыру өчен көрәштә алдынгы илләрнең берсе булып килде.
Россия – югары техник характеристикалары булган коралларның яңа төрләрен эшләү буенча әйдәп баручы дәүләтләрнең берсе.

Күргәзмәдә Россия армиясенең заманча тәэмин ителеше, үз-үзеңне саклау һәм көч куллану чаралары, шпионлык хәйләләре, киләчәк кораллары турындагы китаплар куелды.

Күргәзмә февраль ахырына кадәр торачак.