Рус телендәге әдәби альманах

2013нче елның 1 нче февралендә Татарстан Республикасы Милли китапханәсенең Зур уку залында (Казан, Кремль ур., 33 нче йорт) матур әдәбият һәм мәдәният – мәгърифәт басмасы «Казанский альманах»ның 9 нчы санын тәкъдир итү кичәсе булды.
Кичәне Татарстан Республикасы Дәүләт Советы депутаты, Мәдәният, фән, мәгариф һәм милли мәсьәләләр комитеты рәисе Разил Исмәгыйль улы Вәлиев башлап җибәрде.
Кичәнең алып баручысы һәм альманахның баш мөхәррире Әхәт Хәй улы Мушинский авторлар белән таныштырды, альманахның алдагы елга планнары белән уртаклашты һәм кунакларның сорауларына җавап бирде. Кичәдә шулай ук әлеге санга кергән әсәрләрнең авторлары да чыгыш ясады. Алар – Наилә Ахунова, Рөстәм Төхвәтуллин, Лоренс Блинов, Ленар Шәех, Филипп Пираев, Эдуард Учаров һәм башкалар.
Рус романсларын башкаручы Эдуард Трескин, шагыйрь һәм бард Борис Вайнер үзенең җырлары белән бәйрәмгә онытылмаслык мизгелләр өстәделәр.