Маэстро белән очрашу

2013 нче елның 5 нче феврале көнне Татарстан Республикасы Милли китапханәсендә «Татарстан Республикасы композиторларының музыка антологиясе» исемле музыкаль тупланманы тәкъдим итү һәм Татарстан дәүләт симфоник оркестрының баш режиссёры һәм сәнгать җитәкчесе Александр Сладковский белән иҗади очрашу булды.


Кичәгә республикабызның төрле төбәкләреннән китапханәчеләр, Милли китапханә хезмәтләреннән файдаланучылар һәм шәһәребезнең иҗат интеллегенциясе вәкилләре килгән иде.

Очрашу барышында оркестрның баш режиссёры һәм сәнгать җитәкчесе Александр Сладковский катнашучылар белән бик теләп аралашты һәм аларны кызыксындырган барлык сорауларга да җавап бирде. Ахырда Татарстан Республикасы Милли китапханәсенә һәм республиканың шәһәр-районнарындагы үзәк китапханәләренә тапшыру өчен 50 данә музыкаль тупланма бүләк итте.

А.Сладковский 2013 нче елның май аенда Бөтенроссия китапханәләр көне уңаеннан Милли китапханәнең зур залында концерт уздырырга вәгъдә итте.