«East View Information Services, Inc» компаниясенең электрон мәгълүматлар базалары - ТР Милли китапханәсе хезмәтләреннән файдаланучылар өчен

Татарстан Республикасы Милли китапханәсе хезмәтләреннән файдаланучылар 2013 нче елның 1 нче гыйнварыннан 31 нче декабренә кадәр «East View Information Services, Inc» компаниясенең түбәндәге электрон мәгълүматлар базаларын бушлай куллана алалар:

Россиянең үзәк вакытлы матбугаты
Базага Мәскәүдә һәм Санкт-Петербургта чыга торган 60 тан артык исемдәге көндәлек һәм атналык басмалар керә. Алар арасында «Коммерсантъ», «Ведомости», «Российская газета», «Аргументы и факты», «Независимая газета», «Санкт-Петербургские ведомости» газеталары, «Профиль», «Эксперт», «Огонёк» журналлары һ.б. бар. Көндәлек газеталарның яңа саннары сайтта басма нөсхәсеннән 8-10 сәгатькә алданрак пәйда була. Тупланмада 2 миллионннан артык мәкалә исәпләнә. Архивның тирәнлеге – 1980 нче елддан.

Педагогикага һәм мәгарифкә караган басмалар
Әлеге электрон ресурс, «Педагогика», «Психологический журнал», «Русская речь», «Русская литература» кебек гыйльми басмалар белән беррәттән, «Экономика в школе», «Директор школы», «Журнал руководителя управления образованием», «Школьное планирование» кебек гамәли юнәлештәгеләрен дә үз эченә ала. Ул югары педагогик уку йортлары студентлары, укытучылар, тәрбиячеләр, мәгариф өлкәсе белгечләре өчен тәгаенләнгән.

Китапханә эше һәм мәгълүмат хезмәте күрсәтү
Бу – китапханәчеләргә, библиографларга, архив һәм музей эше белгечләренә, югары уку йортлары укытучыларына һәм студентларына юнәлтелгән махсус, тулы текстлы мәгълүматлар базасы. Биредә тармактагы көнүзәк проблемаларны, китапханәләр, архивлар һәм музейлар эшчәнлегендәге мөһим юнәлешләрне яктыртучы һөнәри матбугат басмалары урын алган.

Тулы текстларны бары тик Татарстан Республикасы Милли китапханәсенең локаль челтәренә тоташкан компьютерлардан гына түләүсез карарга мөмкин:
- Кремль урамындагы 33 нче йортта урнашкан төп бинада мәгълүмат-библиография бүлегендә, Зур уку залында, татар әдәбияты һәм туган якны өйрәнү бүлегендә;
- К.Маркс урамындагы 36 йортта урнашкан бинада чит телләрдәге әдәбият бүлегендә, икенче каттагы уку залында.

Шушы мәсьәләгә кагылышлы барлык сораулар белән китапханәара абонемент һәм документларны электрон юл белән алдыру бүлегенә мөрәҗәгать итәргә мөмкин: Казан, Кремль урамы, 33 нче йорт, тел.: (843 292-77-05.)