Булачак архитекторларга

12 мартта Казан дәүләт архитектура-төзелеш университетының архитектура ядкәрләрен реставрацияләү һәм реконструкцияләү факультеты студентлары өчен Казан шәһәренең тарихи һәм архитектура һәйкәлләренә багышланган мәгълүмат көне үткәрелде. Тыңлаучылар традицион белешмә аппарат һәм электрон каталогларда (шул исәптән ТР МК сайтында) мәгълүмат чыганакларын эзләү белән таныштылар, мәгълүмат эзләү методикасы буенча киңәшләр алдылар, агымдагы библиографик мәгълүматлар чыганаклары һәм белешмәлекләр хакында хәбәрдар булдылар.
ТР Милли китапханәсе сайтындагы «Меңъеллык Казан» электрон коллекциясендә, Казанның архитектура һәйкәлләренә багышланган, революциягә кадәрге сирәк басмаларның электрон версияләре белән таныштылар.
РДКнең Информкультура ФТҮ сайты мәгълүмат ресурсларына күзәтүдән тыш, тыңлаучыларга Казан шәһәренең архитектура һәйкәлләренә, аларның төзелү тарихына һәм киләчәктә реставрацияләүгә кагылышлы башка сайтлар да тәкъдим ителде.