Француз телен яратучылар клубы

2013 нче елның 12 нче мартыннан Татарстан Республикасы Милли китапханәсенең чит телләрдәге әдәбият бүлегендә (К.Маркс ур., 36 нчы йорт) француз телен яратучылар клубы үз эшчәнлеген яңадан башлап җибәрде. Очрашулар сишәмбе көнне сәгать 18сәгать 30 минутта башлана.

2013 нче елның 12 нче мартында, сишәмбе көнне, чит телләрдәге әдәбият бүлегендә француз телен яратучылар өчен кичәләр янәдән оештырыла башлады.
Беренче очрашуны Конго Республикасыннан килеп Энергетика университетында укучы студент егет Фрежа уздырды. Ул үзенең ватаны, туган шәһәре Браззавиле турында сөйләде, Россиягә, Казанга килгәч алган иң якты тәэсирләре, беренче мәртәбә кышны, ябалак-ябалак яуган карны күреп гаҗәпкә калуы турында сөйләде. Очрашу бик мавыктыргыч рухта барлык кунакларның яраткан теле – француз телендә узды.