«Смена» кышкы китап фестивале ТР Милли китапханәсенең яңартылган бинасында
12–13 декабрьдә «Смена» заманча мәдәният үзәге, Татарстан Республикасы Милли китапханәсе һәм «Җанлы шәһәр» фонды Кышкы китап фестивале үткәрәчәк. Ул Татарстан Республикасы Милли китапханәсенең яңартылган бинасында (Казан, Пушкин ур., 86) узачак.
Бу инде Казанда «Смена» үткәрә торган унөченче фестиваль. Вакыйга бөтен Россиядән килгән, китапларын арзанрак бәядән сатачак бәйсез нәшриятларның ярминкәсеннән, шулай ук лекторийлардан һәм махсус проектлардан гыйбарәт.
Фестивальдә алдан, аерым бер вакытны тәгаенләп, бушлай теркәлү буенча гына катнашырга мөмкин. Әгәр дә сез вакыйгада катнашу өчен билгеләнгән слотка килә алмыйсыз икән, оештыручыларга бу хакта Timepad сервисында билетны гамәлдән чыгарып яки турыдан-туры элемтәгә кереп хәбәр итегез. Шулай итеп, сез фестивальгә килү өчен башкаларга мөмкинлек бирәчәксез.
Кышкы китап фестивале–2020
12–13 декабрь
Татарстан Республикасы Милли китапханәсенең яңа бинасы
Казан шәһәре, Пушкин ур., 86 нчы йорт
Массакүләм мәгълүмат чаралары мәсьәләсендә җаваплы –
Илнур Шәрәфиев
89600355596
Проектның яңалыклары
Оештыручылар: «Смена» заманча мәдәният үзәге, Татарстан Республикасы Милли китапханәсе, «Җанлы шәһәр» фонды
Татарстан Республикасы Мәдәният министрлыгы һәм Казан Мэриясе ярдәме белән
Партнёрлар: «Маршак» проекты (Мәскәү), «Турбина» проекты (Россия), «Гараж» заманча сәнгать музее, Югары икътисад мәктәбенең Мәдәният тикшеренүләре институты (Мәскәү), «Мәгърифәтче» премиясе (Россия), Гёте-Институт (Мәскәү)
«MOÑ» театр мәйданчыгы , VOLUMES фестивале (Цюрих), Write Like a Grrrl (Россия) курслары, No Kidding Press (Мәскәү), «Альпина Нон-Фикшн» (Мәскәү), Ad Marginem (Мәскәү), «Бумкнига» (Мәскәү) нәшриятлары.
Мәгълүмати партнёрлар: «Инде» интернет-журналы, Enter интернет-журналы.