Француз телен яратучылар клубы

2013 нче елның 19 нчы мартында Татарстан Республикасы Милли китапханәсенең чит телләрдәге әдәбият бүлегендә (Казан, К.Маркс ур., 36 нчы йорт) француз телен яратучылар клубының чираттагы утырышы узды.
Утырышта Конго Республикасының икътисадый-сәяси үсеше турында фикер алышу булды. Нефть чыгару һәм нефть экспорты Конго Республикасы икътисадының нигезен тәшкил итә, сәнәгать үсеше цемент, урман материаллары җитештерү, шикәр һәм пальма мае ясау белән бәйле. Авыл хуҗалыгында иң популяр культуралар булып кассава, шикәр камышы, дөге, кукуруз, арахис, кофе, какао санала. Клубка килүчеләр аз билгеле булган Африка республикасы турында шактый күп яңа, кызыклы мәгълүматлар белән таныштылар.

Исегезгә төшерәбез, француз телен яратучылар клубында очрашулар һәр атна саен сишәмбе көнне сәгать 18 сәгать 30 минутта башлана.
Белешмәләр өчен телефон: 292-50-49 (чит телләрдәге әдәбият бүлеге)