Бәхет агачыңны үзең «үстер»!

2013 нче елның 24 нче мартында ТР Милли китапханәсенең чит телләрдәге әдәбият бүлегендә (Казан, К.Маркс ур., 36 нчы йорт) «Кул эшләре остаханәсе» клубының чираттагы утырышы узды.
Клуб осталары килгән кунакларга Европада шактый киң таралыш тапкан бәхет агачын (топиарий) ясау буенча мастер-класс күрсәттеләр. Балалар һәм өлкәннәр иҗади процесска зур кызыксыну белән якын килделәр һәм дәрес азагында килгән һәр кунакның үзенең кабатланмас агачы барлыкка килде. Ул, һичшиксез, өйгә бәхет китерәчәк!
Гүзәллекне үз куллары белән тудырырга яратучыларның һәр кайсын «Кул эшләре остаханәсе» клубы сафларына чакырабыз.
Белешмәләр өчен телефон: 292-50-49 (чит телләрдәге әдәбият бүлеге).