29 апрель – Халыкара бию көне

Ел саен 29 апрельдә Халыкара бию көне билгеләп үтелә. ТР Милли китапханәсенең сәнгать бүлеге бу күренекле датага багышлап «Бию – кешелек мәдәнияте башлангычы» дип аталган күргәзмә тәкъдим итә.
Хикәяне яки картинаны сөйләп бирү безгә бернинди дә авырлык тудырмый, ә музыканы һәм биюне ничек сурәтләргә? Күңелебездә сакланып калган музыка һәм бию кабатлап сурәтләүгә барыннан да авыррак бирелә. Ә бию тарихын сөйләү тагын да катлаулы! Нәрсәдә ул? Бию үзеннән соң нәрсә калдыра? Ни өчен безне әллә кайчан башкарылган бию кызыксындыра һәм ни өчен без аның телен аңларга телибез? Безгә, ХХI гасырда яшәүчеләргә, борынгылык белән бүгенге арасындагы пәрдәләрне ничек күтәрергә?
Бу һәм башка бик күп сорауларга җавапларны күргәзмәгә урнаштырылган китаплар һәм альбомнар, аудио-видеоматериаллар белән танышып табарга мөмкин.
Сәнгать бүлегенә (Казан, Театр ур., 5 нче йорт) рәхим итегез! Сезнең белән очрашуга шат булачакбыз!