«Авторлык хокукы һәм Интернет» викторинасы нәтиҗәләре

Ел саен 26 нчы апрельдә Халыкара интеллектуаль милек көне билгеләп үтелә. Бу көнгә багышлап, ТР Милли китапханәсенең патентлар бүлеге (Казан, К.Маркс ур., 36 нчы йорт) «Авторлык хокукы һәм Интернет» викторинасын әзерләде. Аның сораулары китапханә сайтына 2013 нче елның 15 нче апрелендә үк куелды.
Викторинада катнашучыларның барысына да игътибарлы һәм актив булулары өчен рәхмәт белдерәбез!

Викторина сорауларына җаваплар:

1. җавап – 2.
2. җавап – 1. Интернет челтәре аша беренче мәртәбә халыкка җиткерелгән һәр мәкалә, фәнни хезмәт яки әдәби әсәр кебек үк, авторлык хокукы объекты булып тора. Матбугатта басылу факты роль уйнамый. Махсус авторлык хокукына ия булучы үзенең хокуклары турында белдерү өчен авторлык хокукларын саклау билгеләрен кулланырга тиеш. Бу билгеләр әсәрнең яки хезмәтнең һәр нөсхәсендә куела һәм өч элементтан тора: латин хәрефе С түгәрәк эчендә: махсус авторлык хокукларына ия булучының исеме (атамасы), беренче мәртәбә басылып чыгу елы.
3. җавап – 5. Басылган сурәтләрне Интернет-сайтка хокукый яктан ия булучының рөхсәте белән Сез хаклы рәвештә файдалана аласыз.
4. җавап – 3. РФнең «Авторлык хокукы һәм арадаш хокуклар турындагы» Законында (16 нчы маддә, 3 нче пункт) билгеләнгән шартлар үтәлгәндә мондый нөсхәләрне тарату (прокатка тапшыру чыгарма булып тора) автор рөхсәтеннән тыш һәм авторга акча түләүдән башка да башкарыла ала.
5. җавап – 2. Норматив документ авторлык хокукы объекты түгел, шуңа да Сез аннан ирекле файдалана аласыз. Әгәр документта өстәмә шәрехләр, аңлатмалар булса, әлеге материалны файдалану өчен хокук иясеннән рөхсәт алырга кирәк.