Патентлар бүлегендә Ачык ишекләр көне

2013 нче елның 28 нче маенда Татарстан Республикасы Милли китапханәсенең патентлар бүлеге (Казан, К.Маркс ур., 36 нчы йорт) элекке заманнардан ук белем хәзинәсе саналган китапханә белән танышыр өчен Ачык ишекләр көне уздыра.
Бу көнне патентлар бүлегенә килүче һәр укучы хезмәткәрләр белән әңгәмә барышында бүлекнең тарихы һәм эшчәнлеге белән таныша алачак. Патентлар һәм уйлап табулар дөньясы яктыртылган иң әүвәлге Россия басмаларыннан алып хәзерге заман китапларына кадәр бик күбесен үз күзләрең белән күрү мөмкинлеге булачак.
Ачык ишекләр көне – патентлар бүлегенең һәм китапханәнең эшчәнлеге белән танышу өчен иң кулай көн.