Балалар залына Гарии Поттер турында инглиз телендәге китаплар килде

2021 елның 23 августы, дүшәмбе

Поттер маҗараларын яратучылар өчен шәп яңалык! Джоан Роулингның тылсымчы малай турындагы китаплар циклын хәзер өйгә дә алып була.

Инглиз телендә китаплар уку — телне өйрәнүдә бик файдалы алым. Гарри Поттер турындагы китаплар циклының кызыклы үзенчәлеге бар: һәр яңа китап белән тел катлаулылыгы арта бара. Аларны укыган саен тел камилләшә, сүзлек запасы киңәя.

Гарри Поттер турындагы китапларны Милли китапханәнең балалар залында, күргәзмә киштәләрендә табып була.