Спорт тынычлыкка илтә

ТР Милли китапханәсенең сәнгать бүлеге (Казан, Театр ур., 5 нче йорт) китапханәдән файдаланучылар игътибарына «Спорт тынычлыкка илтә» дип аталган күргәзмә тәкъдим итә.
«Спорт искиткеч үзенчәлеккә ия:
ул сәнгатьнең күптөрле кысаларына сыя...»
А.Дейнека
Спорт – сәнгатьнең борынгы һәм шул ук вакытта иң яшь темасы. Кешелекнең башлангычында ук ул антик Греция сәнгатендә күренекле урын алып торган. Классик сәнгать образлары әле дә безгә гөрләп чәчәк атучы Элладада спорт культы, таза, көчле, батыр, чыныккан, олимпчы-аллаларга тиңләштерелгән кешеләр турында искә төшерәләр.
Күп гасырлар узса да, спорт яшьләр арасында да, өлкәннәр арасында да популяр булып кала. Кайчандыр Олимпта эстафета алган Олимпия уты илләр һәм кыйтгалар буйлап тантаналы йөрешен дәвам итә.

Күргәзмә өч бүлектән тора:

«Кичә һәм бүген яки бербөтенгә күзәтү» – урнаштырылган әдәбият һәм аудио-видео документлар спорт үсешен антик чордан алып күзәтергә мөмкинлек бирә.
«Бөек чорның билгеләре» – әлеге бүлек безнең көннәргә кадәр сакланып калган һәм үрнәк алыр өчен саекмас чыганак булган архитектура, «граниттагы һәйкәлләр» скульптурасы турындагы документларны үз эченә ала.
«Кешеләр аллалар кебек» – рәсем сәнгатенә караган, танылган рәссамнарның репродукцияләрен туплаган альбомнар һәм китаплар куелган.
Рәхим итегез (Казан, Театр ур., 5 нче йорт)! Без Сезнең белән очрашуга шат булачакбыз.